Apple-ը կթողարկի իր պատմության ամենամեծ iPad-ը (լուսանկար)

Ամերիկյան Apple ընկերությունը կթողարկի պատմության մեջ ամենամեծ iPad-ը, հայտնում է ԻՏԱՌ - ՏԱՍՍ-ը՝ վկայակոչելով Bloomberg ամերիկյան լրատվականի աղբյուրները:

Սարքը կունենա 12,9 մատնաչափ անկյունագիծ. այժմ առկա iPad-ների անկյունագծերը 9,7 և 7,9 մատնաչափ են:

Նոր, ավելի մեծ մոդելը վաճառքում կլինի 2015-ի առաջին եռամսյակում: 

Վերջին շրջանում Apple-ը բախվել է iPad-ների վաճառքի ծավալների անկման, ինչը պայմանավորված է շուկայում ավելի մեծ անկյունագծերով մոդելների առկայությամբ:

Apple-ը պատրաստվում է նաև iPad mini-ի նոր, կատարելագործված մոդելի վաճառքին: