Անջեյ Կասպշիկը գերիների հարցը «հումանիտար հարց» է համարում
ԵԱՀԿ-ի գործող նախագահի անձնական ներկայացուցիչ Անջեյ Կասպշիկը գերիների հարցը «հումանիտար հարց» է համարում և գտնում, որ դա չպետք է քաղաքականացվի: Պաշտոնյան այդ մասին ասել է՝ պատասխանելով ադրբեջանական ԱՊԱ գործակալության հարցին:
Մասնավորապես, Կասպշիկը խոսել է օրերս գերեվարված Ջավիդ Մամեդովի առնչությամբ, որին հայ սահմանապահները նկատել էին Լեռնային Ղարաբաղի ճակատային գծում:
Նա ասել է, որ ժամանակ առ ժամանակ տեղի են ունենում քաղաքացիական անձանց ոչ դիտավորյալ անցումներ, որոնք ապրում ու աշխատում են հակամարտ զորքերի շփման գծում:
Կասպշիկն ասել է, որ աջակցում է գերիների հետ Կարմիր խաչի միջազգային կոմիտեի շփման հաստատմանն ու գերիների վերադարձին: Նա հայտնել է, որ այդ միջոցառումների կարևորությունն ընդգծել է համապատասխան կառույցների հետ հանդիպումների ժամանակ:










