Բրիտանիայի վարչապետի նստավայրում բարձրացվել է Շոտլանդիայի դրոշը

11:14 • 10.09.14

Լոնդոնում Մեծ Բրիտանիայի վարչապետի նստավայրում այսօր բարձրացվել է Շոտլանդիայի դրոշը, որն այս օրերին հանրաքվե կանցկացնի Մեծ Բրիտանիայից առանձնանալու հարցով:

 

«Իզվեստիյա» թերթը գրում է, որ դրոշը բարձրացվել է՝ ի նշան Բրիտանիայի միասնականության, որի կոչերով հանդես է գալիս վարչապետ Դևիդ Քեմերոնը՝ փորձելով շոտլանդացիներին համոզել դեմ քվեարկել անկախությանը:

 

Քեմերոնի գրասենյակից հայտնել են, որ դրոշը կծածանվի մինչև հանրաքվեի անցկացման օրը՝ սեպտեմբերի 18-ը:

 

Շոտլանդիայի դրոշը զարդարում է Սբ Անդրեասի խաչը, որը համարվում է այդ երկրի հովանավոր սուրբը: Նույն խաչը՝ որպես տարր, առկա է նաև Բրիտանիայի դրոշում:
 

Embedded image permalink