Ավելորդ քաշի նույնիսկ մի քանի կիլոգրամը վտանգավոր է առողջության համար

Գաղտնիք չէ, որ ճարպակալումն ու ավելորդ քաշը լուրջ առողջական խնդիրներ են առաջացնում, սակայն շատ քչերին է հայտնի, որ նույնիսկ ավելորդ 2-5 կիլոգրամը չափազանց վտանգավոր է առողջության համար: Այս մասին հաղորդում է Meddaily.ru-ն՝ հղում կատարելով Science World Report-ին:

Ինչպես հաղորդում է աղբյուրը՝ նման խնդիրները բարձրացնում են սրտի իշեմիկ հիվանդությունների, 2-րդ տիպի շաքարախտի, քաղցկեղի, կաթվածի, քնի խանգարման, շնչառական խնդիրների և մի շարք այլ հիվանդությունների զարգացման ռիսկային գործոնը:

Ամերիկյան սրտաբանական ասոցիացիայի՝ 18-ից 48 տարեկան մասնակիցների հետ անցկացվող ուսումնասիրությունների ժամանակ գիտնականներից բաղկացած խումբը 8 շաբաթվա ընթացքում 2 կգ ավելորդ քաշ հավաքած առողջ երիտասարդների մոտ զարկերակային բարձր ճնշում է հայտնաբերել: