Համացանցում են հայտնվել ապագա Windows 9-ի «սքրինշոթերը» (լուսանկարներ)

Համացանցում են հայտնվել ամերիկյան Microsoft ընկերության Windows 9 նոր օպերացիոն համակարգի «սքրինշոթերը»: Դրանք տեղադրված են Winfuture.de ռեսուրսում, գրում է lenta.ru-ն:

Էկրանի բոլոր լուսանկարներն արված են «աշխատանքային սեղան» ռեժիմում, հետևաբար՝ այն ինչ որ մեկն արդեն հասցրել է տեղադրել համակարգչում և օգտագործել:

Նշվում է, որ նոր ՕՀ-ն ունենալու է մի քանի էկրան, որոնց միջև հնարավոր կլինի տեղափոխվել համակարգչով աշխատելու ժամանակ:

Փոխվելու է նաև «Սկիզբ» կոճակը, որն ավելի հարմար կդարձնի տարբեր ծրագրերի օգտագործումն առանց ընդհանուր մենյու մտնելու: Windows 9-ի բետա տեսակը դուրս է գալու սեպտեմբերի 30-ին, իսկ կոմերցիոն տեսակն արդեն մյուս տարի` 2015-ի ապրիլին: