Ալինա Կաբաևան հեռանում է Պետդումայից՝ սեփական ցանկությամբ
Ռուսաստանի պետդումայի (խորհրդարան) կանոնակարգի հարցերով հանձնաժողովը խորհուրդ է տվել պալատին հաստատել Ալինա Կաբաևայի՝ սեփական ցանկությամբ պատգամավորական մանդատը վաղաժամ վայր դնելու որոշումը, հաղորդում է ИТАР-ТАСС-ը:
«Պատգամավորը հայտարարություն է գրել, մենք այն հաստատել ենք»,- ասել է հանձնաժողովի ղեկավար Սերգեյ Պոպովը:
Հանձնաժողովի ղեկավարի խոսքով՝ Կաբաևան իր հայտարարությունն ուղղել է սեպտեմբերի 15-ին՝ այն պատճառաբանելով այլ աշխատանքի անցնելով:
Պոպովը չի բացառել, որ Կաբաևայի վաղաժամ մանդատը վայր դնելու հարցը կարող է քննարկվել սեպտեմբերի 16-ին:
Նշենք, որ Ռուսաստանում վաղուց խոսակցություններ կան, որ գեղարվեստական մարմնամարզության օլիմպիական չեմպիոնուհի, ինչպես նաև Պետդումայի պատգամավոր Ալինա Կաբաևան ՌԴ նախագահ Վլադիմիր Պուտինի սիրուհին և նրա 2 ապօրինի զավակների մայրն է։










