Անհետացած մալայզիական օդանավը իրականում «ինքնասպան չվերթ» է կատարել. բրիտանացի փորձագետը տվյալներ է հրապարակել
Daily Mail-ը ներկայացրել է Մալայզիական ավիաուղիների՝ մարտին անհետացած MH370 առեղծվածային չվերթի հետ կապված ևս մեկ վարկած, որի հեղինակը ավիացիոն փորձագետ Էվան Ուիլսոնն է:
Ըստ այդմ՝ չվերթի օդաչուներից Զահարի Ահմադ Շահը ընկնող օդանավի մեջ դիտավորյալ անջատել է թթվածնի մատակարարման համակարգը:
Ըստ փորձագետի՝ օդանավն ընկել է ջուրը, իսկ օդաչուն, փակվելով, իր խցում, անջատել է թթվածնի դիմակների համակարգը, որոնք կարող էին 20 րոպեի հավելյալ կյանք պարգևել ուղևորներին: Այս առիթով գրված իր նոր գրքում մասնագետը պնդում է, որ Շահը հոգեկան հիվանդ է եղել, սակայն նրան հաջողվել է մեկ ամբողջական կտորով՝ առանց բեկորների խորտակել օդանավը:

Ավելին՝ Ուիլսոնը պնդում է, որ սա առաջին նման դեպքը չէ ավիացիայի պատմության մեջ: Նախկինում առնվազն՝ հինգ անգամ նման «ինքնասպանություններ» են իրականացվել՝ ընդհանուր առմամբ 661 մարու մահվան պատճառ դառնալով:
Օդանավն անհետացել էր մարտին՝ 227 ուղևորով ու անձնակազմի 12 անդամով:











