Եղանակն՝ այսօր
Հոկտեմբերի 3-ին Ազնավուրը համերգ կտա Մոսկվայում
10:43 • 17.09.14
Հոկտեմբերի 3-ին աշխարհահռչակ ֆրանսահայ շանսոնյե Շառլ Ազնավուրը համերգով հանդես կգա Մոսկվայում, հայտնում է ИТАР ТАСС գործակալությունը:
Նա ներկայացնելու է իր դասական երգացանկը: Նոր երգեր չեն հնչելու:
Ազնավուրը գործակալության թղթակցի հետ զրույցում ասել է, որ շարունակում է մտածել ռուսերենով սկավառակ թողարկելու մասին: Այս առիթով նա նկատել է, որ շատ ռուսերեն բառեր գիտի, սակայն ազատ չի խոսում: Ունի ռուսերեն տեքստեր, որոնք ցանկանում է թարգմանաբար հասկանալ՝ նախքան ձայնագրվելը:
Նա նկատել է, որ Ռուսաստանն այն երկրներից է, որտեղ իր համար միշտ առանձնահատուկ հաճելի է լինել:
Ազնավուրն իր բազմամյա կարիերայի ընթացքում ավելի քան հարյուր սկավառակ է թողարկել, նկարահանվել 60 ֆիլմերում, արժանացել բազմաթիվ հեղինակավոր մրցանակների, այդ թվում՝ 1997-ին «Սեզարի»՝ կինոյում իր ներդրման համար:
Placeholder
Studio One