Լայզա Մինելին վիրահատության է ենթարկվել

Ամերիկյան դերասանուհի և երգչուհի Լայզա Մինելին վիրահատության է ենթարկվել Լոս Անջելեսի հիվանդանոցներից մեկում: 68-ամյա երգչուհու պաշտոնական հայտարարության մասին գրում է lenta.ru-ն` Associated Press-ին հղումով: Մինելին մեջքի շրջանում վնասվածք էր ստացել անցած շաբաթ:

Երգչուհու խոսքով՝ իր շները ցատկել են իրեն ողջունելու համար, և նա կորցրել է հավասարակշռությունն ու ընկել: Ստացած վնասվածքների պատճառով նա չի կարողացել քայլել և ներկա գտնվել իր ընկերուհի Ջոան Ռիվերսի թաղման արարողությանը:

Պաշտոնական հայտարարության մեջ երգչուհին ողջունել և շնորհակալություն է հայտնել իր երկրպագուներին՝ խոստովանելով, որ հաճելիորեն զարմացել է, երբ բազմաթիվ սիրո և հոգատարության մաղթանքներ է ստացել ամբողջ աշխարհից:

Այժմ Մինելիի առողջական վիճակը բարելավում է, ըստ բժիշկների՝ նա շուտով ամբողջովին կապաքինվի: