Հիվանդների համար հասանելի կդառնա հակաքաղցկեղային փորձարարական դեղամիջոցը

Մեծ Բրիտանիան աննախադեպ միջոցառումներ կիրականացնի՝ սովորական հիվանդների համար հասանելի կդառնա Early Access to Medicines ծրագրի շրջանակներում առաջարկվող հակաքաղցկեղային փորձարարական դեղամիջոցը: Այս մասին հաղորդում է Meddaily.ru-ն՝ հղում կատարելով Ремедиум-ին:

ԱՄՆ-ում արդեն աշխատում է այսպիսի մի ծրագիր: Մեծ Բրիտանիայի առողջապահության նախարարությունը նմանատիպ ծրագրի իրագործման որոշում է ընդունել, երբ գործակալությունը քննադատել է դեղերի գրանցման համար հայտերի ստուգման գործընթացի դանդաղ ընթացքը:

Ծրագիրը կֆինանսավորվի դեղագործական մի շարք ընկերությունների, մասնավորապես՝ ուղեղի նորագոյացությունների բուժման համար միջոցներ արտադրող Northwest Biotherapeutics-ի կողմից: Փորձարարական իմունոբիոլոգիական դեղամիջոցն արդեն հայտնի է DCVax-L անվամբ: