Կայացել է Շնոբելյան մրցանակի հանձնման արարողությունը (լուսանկարներ)

Հարվարդում սեպտեմբերի 18-ին հանձնվել է Շնոբելյան մրցանակը՝ հումորային մրցանակ, որը շնորհվում է հետազոտությունների համար, որոնք «նախ ծիծաղ են առաջացնում, այնուհետ ստիպում մտածել», գրում է gazeta.ru-ն։

Այս տարվա մրցանակակիրներից մեկը՝ Դևիդ Հենաուերը Միչիգանի համալսարանի Բժշկական դպրոցից, ուսումնասիրել է կատուների ազդեցությունն իրենց տերերի առողջության և հոգեկան վիճակի վրա։ Նա պարզել է, որ ընտանի կատուներն ավելի հաճախ են կծում իրենց տերերին, եթե վերջիններս գտնվում են դեպրեսիայի մեջ։ Դա կարող է վարակիչ հիվանդությունների պատճառ դառնալ։

Եվս մեկ Շնոբելյան մրցանակ հանձնվել է Դետրոյթի համալսարանի բժշկական կենտրոնի թիմին, ըստ նրանց՝ երեխաների մոտ քթից ուժեղ արնահոսությունը կարելի է կանգնեցնել աղի խոզի մսի կտորը քթանցքը մտցնելով։ Համաձայն հետազոտության արդյունքների՝ բուժման միջոցը հարկ է կիրառել այն դեպքում, երբ երեխան հիվանդ է հազվադեպ հանդիպող Գլանցմանի թրոմբասթենիա հիվանդությամբ։

Մրցանակի է արժանացել նաև ճապոնացի գիտնականների հետազոտությունն այն մասին, թե ինչու են մարդիկ սայթաքում բանանի կեղևի վրա։ Ոտքով կեղևի վրա կանգնելու դեպքում կտրուկ նվազում է ոտքի և այն մակերեսի միջև շփման ուժը, որի վրա մարդը կանգնում է, այդ պատճառով էլ մեծանում է ընկնելու ռիսկը։