Կինոյի լեգենդ Սոֆի Լորենը նշում է 80-ամյակը (լուսանկարներ)

Եվրոպական կինոյի լեգենդ, իտալացի դերասանուհի Սոֆի Լորենը, ծնյալ՝ Սոֆիա Շիկոլոնե, այսօր նշում է ծննդյան  80-ամյակը:

Լրատվամիջոցներն արձանագրում են, որ Լորենը մինչ օրս էլ համարվում է ամենագեղեցիկ կանանցից մեկը, առանձնանում է հոյակապ դերերով և անհավանական ամուր ու հաջող ընտանիքով:

1950 թվականին նա մասնակցել է «Միսս Իտալիա» գեղեցկության մրցույթին՝ արժանանալով «Միսս նրբագեղություն» տիտղոսին: Լորենն իր երկար կինոկարիերայի ընթացքում արժանացել է Ամերիկյան կինոակադեմիայի «Օսկար», «Ոսկե գլոբուս», Բեռլինի կինոփառատոնի պատվո «Ոսկե արջ», Վենետիկի կինոփառատոնի «Ոսկե առյուծ» մրցանակների՝ համաշխարհային կինոյում ունեցած ներդրման համար: Նա նաև իր աստղն ունի Հոլիվուդի Փառքի պուրակում: 

Հայ հանդիսատեսի շրջանում դերասանուհին հայտնի է մասնավորապես «Ամուսնություն իտալական ձևով», «Երեկ, այօր, վաղը», «Արևածաղիկներ» ֆիլմերով:

Սոֆին՝ մոր և քրոջ հետ

Լորենն իր ամենավերջին «Մարդկային ձայն» ֆիլմում, 2014

Էլվիս Փրեսլիի հետ

Կլեոպատրայի դերում

2010, Pirelli-ի էրոտիկ օրացույցում