Աֆրիկյան երկրներում Էբոլայի պատճառով սահմաններ փակելու կարիք չկա, իրավիճակը վերահսկվում է. ԱՀԿ
Առողջապահության համաշխարհային կազմակերպությունը հայտնել է, որ աֆրիկյան երկրներում Էբոլա վարակի պատճառով սահմաններ փակելու կարիք չկա, իրավիճակը վերահսկվում է, գրում է Euronews-ը:
ՄԱԿ-ի գրասենյակից հայտնել են, որ Սենեգալում և Նիգերիայում համաճարակն այդքան էլ տարածված չէ, այնուամենայնիվ վարակը միջազգային հանրության առողջության համար վտանգ է ներկայացնում:
Նիգերիայի մայրաքաղաք Աբուջայի դպրոցներում սկսել են ինֆրակարմիր ջերմային սքաներներով ստուգումները: Divine Grace միջնակարգ դպրոցի տնօրեն Ռեյսկի Բենսոնը հայտնել է, որ իրենք մանրակրկիտ ստուգումներ են անցկացնում սքաներներով, և եթե աշակերտներից որևէ մեկի մոտ ջերմաստիճանի տարբերություն է նկատվում, ապա տեղեկացնում են բուժքրոջը, ով երեխային հեռացնում է դպրոցից և հատուկ խնամքի տակ առնում:
Հաղորդվում է, որ Գվինեայում նոր մահվան դեպքեր չեն գրանցվել, սակայն 4 դեպք գրանցվել է Սիերա Լեոնեում, 39-ը՝ Լիբերիայում:










