Կանադայի կառավարությունը դատապարտում է Դեյր էզ Զորի հայկական Սուրբ նահատակաց եկեղեցու ու թանգարանի պայթեցումը
Կանադայի կառավարությունը շարունակում է դատապարտել «Իսլամական պետություն» խմբավորմանը, որը ոտնահարում է մարդու հիմնարար իրավունքները: «Կանադայի կառավարությունը դատապարտում է «Իսլամական պետություն» կազմակերպության կողմից Սիրիայում Դեյր էզ Զորի հայկական Սուրբ նահատակաց եկեղեցու և թանգարանի պայթեցումը»,- հայտարարել է Կանադայի արտաքին գործերի և մարդու միջազգային իրավունքների նախարարի խորհրդարանական քարտուղար Դիբակ Օբհրայը:
«Կանադայի կառավարությունը դատապարտում է «Իսլամական պետություն» կազմակերպության կողմից Սիրիայում Դեյր էզ Զորի հայկական Սուրբ նահատակաց եկեղեցու, ինչպես նաև Սուրբ նահատակաց թանգարանի ավիրումը: Սա կրոնական ազատության և մարդկային արժանապատվության համար «Իսլամական պետության» ունեցած արհամարհանքի ևս մեկ օրինակ է»,- հայտարարել է նա:
Դիբակ Օբհրայը հավելել է նաև, որ «Իսլամական պետության» հարձակումները թիրախավորում են քրիստոնյաներին, ինչպես նաև շիա և սուննի մահմեդականներին և նրանց պաշտամունքի վայրերը:
«Կանադան շարունակում է դատապարտել ահաբեկչական խմբավորմանը, որն ունի իսլամի աղավաղված պատկերացում, և որը սպանել է հազարավոր անմեղ մարդկանց»,- ասել է նա:










