Կատալոնիայի ղեկավարը պաշտոնապես հայտարարել է Իսպանիայից անկախանալու հարցով հանրաքվե անցկացնելու մասին

13:40 • 27.09.14

Իսպանիայի Կատալոնիա ինքնավար շրջանի ղեկավար Արթուր Մասը պաշտոնապես հայտարարել է Իսպանիայից անկախանալու հարցով հանրաքվեի անցկացման մասին: Քվեարկությունը նշանակված է նոյեմբերի 9-ին, հայտնում է lenta.ru-ն:

 

Հանրաքվեի ընթացքում Կատալոնիայի բնակիչներին կառաջարկվի պատասխանել 2 հարցի` «Ցանկանում եք, որ Կատալոնիան դառնա պետություն» և «Եթե այո, ապա ցանկանում եք, որ Կատալոնիան դառնա անկախ պետություն»:

 

Կատալոնիայի խորհրդարանը սեպտեմբերի 19-ին հավանության էր արժանացրել անկախության հարցով հանրաքվեի անցկացման մասին օրինագիծը:

 

Իսպանիայից առանձնանալու առաջին փորձերը ձեռնարկվել են նախորդ դարի սկզբին: 1979-ին Կատալոնիային տրվել է ինքնավար շրջանի կարգավիճակ: