Սիրիա. օդային հարվածներ «Իսլամական պետության» ջիհադիստների ուղղությամբ՝ Թուրքիայի հետ սահմանին
BBC-ն հաղորդում է Սիրիայում Թուրքիայի սահմանին Կոբանե քրդական քաղաքը պաշարող «Իսլամական պետություն» խմբավորման գրոհայինների դիրքերի ուղղությամբ օդային հարվածների մասին:
Ինչպես հաղորդում է BBC-ի թղթակիցը, ողջ գիշերն այդ շրջանում լսվել են պայթյունի ձայներ, իսկ գրոհայինների դիրքերի վրայով թռչել են ռմբակոծիչներ:
Քուրդ զինյալները փորձում են պաշտպանել քաղաքը ներսից, նշում է թղթակիցը: Ամերիկյան զինվորականները դեռևս մեկնաբանություններ չեն տվել:
Ավելի վաղ հաղորդվել է, որ Կոբանեից ստիպված է եղել դուրս գալ առնվազն 140 հազար մարդ: Նրանցից շատերը փորձում են անցնել թուրքական սահմանը:










