Ճապոնիայում հրաբխի ժայթքումից ավելի քան 30 մարդ է անհետ կորել
Առնվազն 32 մարդ անհետ կորել է Օնտակե հրաբուխի ժայթքելուց հետո. այդ պահին 220 հոգի գտնվում էին լեռան ստորոտում, գրում է ria.ru-ն:
Հրաբուխը գտնվում է Ճապոնիայի կենտրոնական Նագանո նահանգում:
Նշվում է, որ տարածքում փրկարարական աշխատանքներ են իրականացվում և լեռան ստորոտից արդեն հաջողվել է տարհանել 3 հոգու, սակայն նրանց առողջական վիճակի մասին տեղեկություններ չեն հայտնվում:
Հրաբխի ակտիվությունը սկսվել է շաբաթ օրը կեսօրին, որի ժամանակ օդերևութաբանները գրանցել էն 313 հրաբխային ցնցումներ, որոնցից 240-ը տեղի են ունեցել հրաբխի ժայթքման ժամանակ:
Լեռան 4 կմ շառավղով հայտարարվել է նախազգուշացում:










