ՄԱԿ-ի Էբոլայի դեմ պայքարի առաքելությունը գլխամասեր է բացում Գանայում

17:53 • 29.09.14

ՄԱԿ-ի Էբոլայի դեմ պայքարի առաքելությունը գլխամասեր է բացում Գանայում, որտեղից այն կհամակարգի Արևմտյան Աֆրիկայում առողջապահական ճգնաժամը, գրում է Yahoo News-ը:

 

Ըստ նախատեսվածի՝ առաքելության ղեկավար Էնթոնի Բենբըրին և նրա աշխատանքային թիմը պետք է այսօր ժամանեն Գանայի մայրաքաղաք Ակրա:

 

ՄԱԿ-ի առաքելությունը մեծ աշխատանք է տանում Աֆրիկայում Էբոլա համաճարակի դեմ, հատկապես վիրուսից ամենաշատը տուժած 3 երկրներում` Լիբերիայում, Սիերա Լեոնեում և Գվինեայում:

 

Առայժմ այդ երկրներում իրավիճակի դրական փոփոխություն չի նկատվում:

 

Ավելի վաղ հայտարարվել էր, որ Առողջապահության համաշխարհային կազմակերպության կանխատեսումներով՝ Էբոլա վիրուսով վարակվածների թիվն Աֆրիկայում կարող է հասնել 20.000-ի, ընդ որում՝ դրանցից կեսը կլինեն Լիբերիայում: