12 տպավորիչ լուսանկար Հոնկոնգի բողոքի ցույցերից
Չինաստանի հատուկ վարչական շրջան Հոնկոնգում անհանգիստ ամառվանից հետո բողոքի ցույցերը վերսկսվել են: Հարյուրհազարավոր ցուցարարներ այս հանգստյան օրերին հավաքվել են՝ արգելափակելով կառավարական և ֆինանսական թաղամասերը, գրում է Business Insider-ը:
Ցուցարարները բողոքում են 2017 թվականին ղեկավար ընտրելու շրջանի իրավունքի վերաբերյալ Պեկինի դիրքորոշման դեմ: Պեկինն ինքն է ընտրում բոլոր թեկնածուներին, և, այսպիսով, ընտրողներին թույլ չի տրվում որևէ այլ մարդու ընտրել:
Երեկ ոստիկանությունն արցունքաբեր գազ է կիրառել ցուցարարների դեմ, որը, սակայն, չի կարողացել ցրել մեծ թվով մարդկանց, ովքեր անձրևանոցներ են օգտագործել ոստիկաններից պաշտպանվելու համար: Business Insider-ը ներկայացրել է ցույցերից մի քանի տպավորիչ լուսանկար:






















