Ռուսախոս բնակչության ցեղասպանություն. Ռուսաստանը քրգործ է հարուցել Ուկրաինայի դեմ
Ռուսաստանի Քննչական կոմիտեի քննչական գլխավոր վարչությունը քրգործ է հարուցել Լուգանսկի և Դոնեցկի ինքնահռչակ հանրապետություններում ռուսախոս բնակչությանը ցեղասպանության ենթարկելու առիթով:
Կառույցի կայքում զետեղված հայտարարության համաձայն՝ ցեղասպանությունը սկսվել է այս տարվա ապրիլին և շարունակվում է մինչ օրս: Ըստ ռուսաստանցի իրավապահների՝ այդ կոտորածներին զոհ է գնացել առնվազն 2.500 մարդ:
Ցեղասպանության անմիջական մեղավորների թվում նշվում է ուկրաինական բանակն ու զինվորականությունը, քաղաքական ղեկավարությունը: Հայտարարության մեջ նշվում է նաև 300 հազար փախստականների մասին:
Նշվում է, որ Ռուսաստանի օրենսդրությամբ ցեղասպանության համար մեղավորներին սպառնում է մինչև քսան տարվա ազատազրկում կամ մահապատիժ:
Նույն առիթով Russia Today-ը նշում է, որ Ուկրաինայի գլխավոր դատախազությունը քրգործ է հարուցել Ռուսաստանի Քննչական կոմիտեի դեմ:










