«Իսլամական պետությունը» հրապարակել է բրիտանացի պատանդի մասնակցությամբ նոր տեսանյութ

11:00 • 30.09.14

«Իսլամական պետություն» ծայրահեղական խմբավորման գրոհայինները հրապարակել են գերեվարված բրիտանացի լրագրող Ջոն Քենթլիի մասնակցությամբ երրորդ տեսագրությունը, գրում է «Взгляд»-ը:

 

«Ցավոք, Բարաք Օբաման ընտրել է կոնֆլիկտի լուծման առավել կանխատեսելի ճանապարհը»,- ասում է Քենթլին, ում գրոհայիններն առևանգել էին Սիրիայում 2012 թվականին:

 

«Օդային հարվածները չեն օգնի Արևմուտքի երկրներին գրավել և պահպանել իրենց հարկավոր օբյեկտներն ու շրջանները: Դրա համար նրանց անհրաժեշտ են մարզված և կարգապահ զորքեր, սակայն ո՛չ Իրաքի բանակը, ո՛չ սիրիացի ապստամբներն այդպիսին չեն»,- շարունակել է լրագրողը:

 

Ավելի վաղ ծայրահեղականները համացանցում տարածել էին քարոզչական տեսանյութ, որտեղ նույն պատանդը կոչով դիմում է հանրությանը՝ ահաբեկչական կազմակերպության դեմ պայքարող արևմտյան ուժերին կանգնեցնելու համար: