Կատալոնիայում ցուցարարների և ոստիկանների միջև բախումներ են տեղի ունեցել (լուսանկարներ)

11:05 • 01.10.14

Ավելի քան 100 մարդ վրան է տեղադրել Կատալոնիայում իսպանական կառավարության ներկայացուցչության շենքի դիմաց՝ ի նշան Իսպանիայի Սահմանադրական դատարանի որոշման դեմ բողոքի, գրում է vz.ru-ն:

 

Ոստիկանները փորձել են նրանց հեռացնել մայթերից, ինչի հետևանքով տեղի են ունեցել բախումներ։ Տուժածներ չկան։

 

Բողոքի ակցիան կազմակերպվել է «Ազգային միասնության թեկնածություն» ձախակողմյան խմբավորման կոչով, որը պայքարում է Կատալոնիայի անկախության համար։

 

Հիշեցնենք, որ շաբաթ Կատալոնիայի ղեկավար Արթուր Մասը ստորագրել է Իսպանիայից շրջանի անկախացման հարցով հանրաքվե անցկացնելու մասին հրամանագիրը, որը նախատեսվում է նոյեմբերի 9-ին։

 

Կատալոնիայի ղեկավարի որոշումն Իսպանիայի կառավարությունն անվանել է «սխալմունք», իսկ Սահմանադրական դատարանը կասեցրել է որոշման կատարումը։

 

Այս ամենի արդյունքում տասնյակ հազարավոր մարդիկ դուրս են եկել Կատալոնիայի մեծ քաղաքների կառավարական շենքերի դիմաց բողոքի ակցիաներ անելու։

 

Իր հերթին Իսպանիայի վարչապետը հայտարարել է, որ կտրականապես դեմ է հանրաքվեին և ամեն ինչ կանի անկախացման փորձերը կասեցնելու համար։

 

Embedded image permalink

 

 

 

 

 

 

 

 

Embedded image permalink

 

 

 

 

 

 

 

Embedded image permalink

 

 

 

 

Embedded image permalink

Embedded image permalink

Embedded image permalink

 

Embedded image permalink

 

 

 

 

 

Embedded image permalink