Մոսկվան բարձր է գնահատում ՌԴ-ի հետ հարաբերությունների շարունակականության մասին Կիմ Չեն Ընի խոսքերը

13:00 • 01.10.14

Մոսկվան բարձր է գնահատում Հյուսիսային Կորեայի առաջնորդ Կիմ Չեն Ընի հայտարարությունը Ռուսաստանի հետ հարաբերություններում ուղեգծի շարունակականության մասին: Այդ մասին հայտարարել է ՌԴ արտգործնախարար Սերգեյ Լավրովը՝ բացելով հյուսիսկորեացի գործընկեր Լի Սու Յոնի հետ բանակցությունները, հաղորդում է ИТАР-ТАСС-ը:

 

«Հույս ունենք, որ ձեր այցն արդյունավետ կլինի: Ակնկալում ենք քննարկել հարաբերությունների ողջ համալիրը, քաղաքական երկխոսությունը, խորհրդարանական, առևտրա-տնտեսական համագործակցությունը: Հույս ունենք քննարկել նաև Կորեական թերակղզում և Ասիա-խաղաղօվկիանոսյան տարածաշրջանում իրավիճակը»,- ասել է ՌԴ արտգործնախարարը:

 

Լավրովը նշել է, որ երկրների միջև հարաբերությունները բարեկամական են և տասնամյակների պատմություն ունեն, իսկ երկրները տարբեր ոլորտներում շատ համատեղ ծրագրեր ունեն: