ԱՄՆ-ում սպանել են քաղաքապետի. կասկածվում է նրա կինը

11:22 • 01.10.14

ԱՄՆ-ում սպանել են Կալիֆորնիա նահանգի Բել Գարդենս քաղաքի 45-ամյա քաղաքապետ Դանիել Կրեսպոյին։ Տեղի իշխանությունները հայտնում են, որ սպանության մեջ կասկածվում է նրա կինը, գրում է vz.ru-ն։

 

Նախնական տվյալներով՝ Կրեսպոն հրազենային վնասվածք է ստացել ընտանեկան վեճի ժամանակ։ Ամուսինները վիճել են, և կինը մի քանի անգամ կրակել է նրա վրա։

 

Քաղաքապետին տեղափոխել են հիվանդանոց, սակայն նրա կյանքը փրկել չի հաջողվել։

 

Կնոջը ձերբակալել են։

 

Ինչպես նշում են տեղի ԶԼՄ-ները, նախկինում Կրեսպոն անհայտ անձանցից սպառնալիքներ է ստացել, ինչի արդյունքում ստիպված են եղել չեղյալ հայտարարել մի շարք հանրային միջոցառումներ։

 

Բել Գարդենս քաղաքի բնակչությունը, ըստ 2010-ի մարդահամարի, 42.000 է։