ԱՄՆ-ում քաղաքապետին կինը սպանել է տասնյակ տարիներ ընտանեկան բռնության ենթարկվելու պատճառով (լուսանկարներ)
ԱՄՆ-ի Կալիֆոռնիա նահանգի Բել Գարդենս քաղաքի 45-ամյա քաղաքապետ Դանիել Կրեսպոյի կինը, ով կասկածվում է ամուսնու սպանության համար, մեկնաբանել է սպանության դրդապատճառները, գրում է Daily Mail-ը։
Ամբողջ քաղաքն ապշել է՝ լսելով, որ քաղաքապետն իրականում բռնարար է, այն դեպքում, երբ նա հանրությանը միշտ ներկայացել է ժպիտը դեմքին և փորձել ամեն ինչ անել քաղաքացիների կյանքը դեպի լավը փոխելու համար։
Քաղաքապետի կինը՝ 43-ամյա Լիվեթ Կրեսպոն պատմել է, որ իր ամուսինը 28 տարի շարունակ բռնության է ենթարկել իրեն ու որդուն։
Լիվեթի փաստաբան Էբեր Բայոնան ասել է, որ շատ բաներ կան, որ հանրության աչքից հեռու են և որ մարդու արտաքինը խաբուսիկ է: Նա նշել է, որ այս դեպքը մտածելու տեղիք է տալիս։
Նախագահ Բարաք Օբաման օրեր առաջ հայտարարել է ընտանեկան բռնության իրազեկման միամսյակի մասին, որը համընկել է աղմուկ բարձրացրած դեպքի հետ։
Բայոնան ասել է, որ կանի հնարավորը, որպեսզի աջակցի և օգնի Լիվեթ Կրեսպոյին այս ողբերգական պահին։
Այն հարցին՝ արդյոք կինը մինչ այդ ոստիկանություն դիմել է, իրավաբանը պատասխանել է, որ դեպքերի մեծամասնությունում հոգեբանական ծանր ճնշման տակ լինելը և տնտեսական կախվածությունն ամուսնուց կանանց ստիպում են լռել, բացի այդ, հասարակությունը չի աջակցում կանանց այդ հարցում։
Անկախ ամենից, կինը ներգրավված է դատական գործընթացում և ենթարկվելու է պատասխանատվության։



















