Ճապոնիայում «Ֆանֆոն» թայֆունի պատճառով 420-ից ավելի թռիչք է հետաձգվել (լուսանկարներ)

08:29 • 06.10.14

Ճապոնիայում այսօր հետաձգվել է ավելի քան 420 չվերթ՝ «Ֆանֆոն» հզոր թայֆունի պատճառով, հայտնում է ՏԱՍՍ գործակալությունը։


Դադարեցվել է երթևեկությունը երկրի ամենաբանուկ արագընթաց երկաթուղիների մայրուղում, որը Տոկիոն կապում է Նագոյա քաղաքի հետ։


«Ֆանֆոն» թայֆունն այսօր հասել է Ճապոնիայի տարածք Համամացու քաղաքի շրջանում՝ երկրի գլխավոր Հոնսյու կղզու խաղաղօվկիանոսյան ափին։ Այժմ այն շարժվում է դեպի հյուսիս։ Քամու ուժգնությունը հասնում է մինչև 38.5 մ/վ։ Ալիքների բարձրությունը գերազանցում է 11 մետրը։


Ճապոնիայի կենտրոնական մասում հորդառատ անձրևներ են, հեղեղումների հավանականության պատճառով խորհուրդ է տրվել տարհանել տասնյակ հազարավոր մարդկանց, ովքեր ապրում են առավել վտանգավոր շրջաններում։
 

Pedestrians in Myazaki, souther Japan on 5 October 2014

Japanese Formula One Grand Prix at the Suzuka Circuit in Suzuka central Japan, 5 October 2014

Typhoon