Մեխիկոյում անցկացված ռետրո մեքենաների շքերթը գրանցվել է Գինեսի ռեկորդների գրքում (լուսանկարներ)

Մեխիկոյում կայացած ռետրո մեքենաների շքերթը հայտնվել է Գինեսի ռեկորդների գրքում. քաղաքի կենտրոնով անցել է ավելի քան 1700 հին մեքենա, հայտնում է РИА Новости-ն՝ Մեխիկոյի զբոսաշրջության նախարարությանը հղումով։

Քաղաքային իշխանությունները ժամանակավորապես դադարեցրել են երթևեկությունը գլխավոր փողոցում՝ Պասեո դե լա Ռեֆորմայում։ Նախարարության տվյալներով՝ ռետրո մեքենաները դիտելու է եկել մոտ 250.000 մարդ։

Գինեսի գրքում միջոցառումը հայտնվել է որպես ամենամեծը. 2002թ. մայիսին հոլանդական Զանդվորտ քաղաքում կայացած շքերթին մասնակցել է 948 մեքենա։