Քենիայի նախագահը ներկայացել է Միջազգային քրեական դատարան
Քենիայի նախագահ Ուհուրու Քենիաթան ներկայացել է Հաագայի Միջազգային քրեական դատարան, հայտնում է France - Presse-ը:
Քենիաթան ուղերձով դիմել է իր ժողովրդին և հայտնել, որ դատական լսումների ընթացքում նա կդադարեցնի իր լիազորությունները՝ իբրև նախագահ:
Պաշտոնյան կասկածվում է 2007-ի նախագահական ընտրություններից հետո զանգվածային բռնաճնշումների համար: Նրան մեղադրում են մարդկության դեմ հանցագործությունների համար:
Աղբյուրը հստակեցնում է, որ նա առաջին գործող նախագահն է, որ իր իշխանության օրոք հայտնվում է միջազգային դատարանում:










