Ուկրաինայում հրադադարը սպառնալիքի տակ է. Պորոշենկո

10:59 • 07.10.14

Ուկրաինայի նախագահ Պյոտր Պորոշենկոն անհանգստանում է իր խաղաղ պլանի ճակատագրի համար՝ երկրի արևելքում հրադադարի ռեժիմի ավելի հաճախակի խախտումների պատճառով։

 

Գերմանիայի կանցլեր Անգելա Մերկելի հետ հեռախոսազրույցի ընթացքում նա մեղադրել է ռուսամետ անջատողականներին ուկրաինական կառավարական զորքերի վրա հարձակվելու համար, գրում է Deutsche Welle-ն։

 

Զրույցի ընթացքում Պորոշենկոն ողջունել է գերմանա-ֆրանսիական առաքելությունը, որը պետք է վերահսկի հրադադարն անօդաչու սարքերի միջոցով։ Գերմանիան և Ֆրանսիան այժմ ուսումնասիրում են ԵԱՀԿ-ի հովանու ներքո նման գործողություններ անցկացնելու հնարավորությունը։