«Իսլամական պետությունը» Թուրքիայի սահմանին քաղաք է գրավել
«Իսլամական պետություն» ծայրահեղական խմբավորումը գրավել է Թուրքիային սահմանամերձ սիրիական Քոբանի (Այն ալ Արաբ) բնակավայրը, տեղեկացնում է «Միլլիյեթ» թերթի կայքը:
Քաղաքի կենտրոնի բարձրահարկ շենքերից մեկի վրա բարձրացվել է «Իսլամական պետության» դրոշը:
Հիմնականում քրդաբնակ քաղաքի փողոցներում շարունակվում են մարտերը քրդերի և իսլամիստների միջև: Խոսվում է ցեղասպանության հնարավոր վտանգի մասին:
Թեժ մարտերի ձայները լսվում են նաև թուրքական տարածքում: Կոալիցիոն ուժերը սկսել են օդային հարված հասցնել իսլամիստներին, իսկ սահմանին կանգնած թուրքական տանկերն ուղղվել են դեպի սիրիական բնակավայրը:
Տեղեկություններ կան, որ քաղաքի վրա հարձակվել է 2.000 ահաբեկիչ:










