5 սննդամթերք, որոնք նվազեցնում են կրծքի քաղցկեղով հիվանդանալու վտանգը

Կրծքի քաղցկեղի իրազեկմանը նվիրված շաբաթվա շրջանակներում NEW YORK DAILY NEWS-ը որոշել է ներկայացնել 5 սննդամթերք, որոնք կարող են նպաստել օրգանիզմի իմունիտետի բարձրացմանն ու կոփել մարմինը` պայքարելով մահացու հիվանդության դեմ:

1. Կանաչ թեյ

Կանաչ թեյը պարունակում է կատեխինների առատություն (հատկապես Epigallocatechin gallate տեսակի), որոնք լռեցնում են հիվանդությունը: Այս տեսակի կախետինները կարող են կանգնեցնել քաղցկեղի բջիջների աճը:

2. Սոյա

Հաճախ կանայք վախենում են սոյա ավելացնել ուտելիքի մեջ` մտածելով, որ այն կարող է էստրոգեն հորմոններ զարգացնել, որոնք խթանում են քաղցկեղի աճին, սակայն սոյան ավելի շատ քիմիոպաշտպանիչ է, ինչը նշանակում է, որ այն կանխում է քաղցկեղը:

3. Կտավատի սերմ

Ավելացնելով այս սերմերը աղցաններին, սպագետիի սոուսին, կոկտեյլներին` այն օգնում է մանրաթելեր և օմեգա-3 վիտամին ստանալուն, ինչպես նաև՝ կարգավորում է ճարպթթուները, որոնք պաշտպանում են իմունային համակարգը:

4. Միրգ ու բանջարեղեն

Բոլոր մրգերն ու բանջարեղենի տեսակները քաղցկեղի դեմ պայքարող բաղադրիչներ են պարունակում, իսկ դրանք համատեղելով` ավելի մեծ էֆեկտ կարելի է ստանալ:

5. Պրոբիոտիկներ

Պրոբիոտիկները լավ բակտերիաներ են, որոնց մեծ պարունակություն առկա է կեֆիրում, թթու կաղամբում, կիմչիում, յոգուրտում: Պրոբիոտիկները կարգավորում են մարսողությունը` նպաստելով քաշի կարգավորմանը: Դրանք բարելավում են նաև իմունային համակարգը` օգնելով պայքարել հիվանդության դեմ: