Հնդիկ տղամարդու ականջից բժիշկները 7.62 սմ-անոց միջատ են հանել (լուսանկարներ)

14:12 • 08.10.14

Հնդկաստանում մի տղամարդ դիմել է բժշկի՝ գանգատվելով իր ականջում անհասկանալի քորից, գրում է Daily Mail-ը։

Բժիշկները զննելուց հետո պարզել են, որ նրա ականջում 7.62 սմ-անոց ծղրիդ է տեղավորվել։ Նրանց, այնուամենայնիվ, հաջողվել է միջատին հանել տղամարդու ականջից։

Մասնագետները նշում են, որ ծղրիդը ոչ մի վնաս չի հասցրել, սակայն, ամենայն հավանականությամբ, տղամարդու մոտ լսողության ժամանակավոր վատացում է նկատվելու։

Նմանատիպ դեպքեր շատ հազվադեպ են պատահում: Վերջին դեպքերից են 43-ամյա տղամարդու ականջից ցեց, մեկ ուրիշի ականջից էլ խավարասեր հեռացնելը։