Լոնդոնում 20-21 տարեկան երիտասարդներ են ձերբակալվել ահաբեկչության նախապատրաստման կասկածանքով

12:38 • 08.10.14

Բրիտանական ոստիկանությունը Լոնդոնում չորս մարդու է ձերբակալել, ովքեր կասկածվում են Միացյալ Թագավորության տարածքում ահաբեկչություն պատրաստելու համար, հաղորդում է BBC-ի ռուսական ծառայությունը:

 

Քննիչների տեղեկություններով՝ 20-21 տարեկան տղամարդիկ հարձակում էին պատրաստում, ինչպես նաև այլ մարդկանց էին դրդում ահաբեկչության:

 

Ներքին գործերի նախարարության պաշտոնյաների համաձայն՝ չարամիտներին հաջողվել է ձերբակալել ահաբեկչության նախապատրաստման վաղ փուլում:

 

Ինչպես հայտարարել է Սքոթլանդ Յարդի ղեկավար Բերնարդ Հոգան-Հաուն, գործը բավականին լուրջ է. նրա խոսքով՝ վերջին շաբաթների ընթացքում իր աշխատակիցները նման ձերբակալությունների մի ամբողջ շարք են իրականացրել: