Եղանակն՝ այսօր
Տղամարդիկ՝ կանանց կերպարում. Վիտամինի Գարիկի «Եկատերինան» տարբերվում է Կարգին Հայկոյի «Սուպեր մամայից»
«Վիտամին» ակումբի հումորիստներից Գարիկ Պապոյանի մարմնավորած «Եկատերինան» Հայկ Մարությանի մարմնավորած «Սուպեր մամայից» քիչ բան ունի սովորելու, քանի որ դրանք բոլորովին տարբեր կանայք են, մեկը՝ խորամանակ, մյուսն՝ անկիրթ։
Tert.am-ի հարցին, թե հաշվի առնելով այն հայտարարությունը, որ ինքն առաջին անգամ նկարահանվելով ֆիլմում՝ շատ բան է սովորել Հայկ Մարությանից, և ըստ այդմ՝ ի՞նչ է սովորել ՝ կնոջ կերպար խաղալով՝ Գարիկը պատասխանեց. «Եկատերինայի կերպարը որևէ մեկից որևէ բան չունի սովորելու: Կին կերպար կերտելու համար Եկատերինայի վրա ընդհանրապես չի ազդում, նա առանձին կայացած կերպար է ու նրան փոխել նշանակում է փոխել մի կերպար, որն արդեն արմատացած է, իրեն պետք է թողնել հանգիստ, որ կա ու մնա: Եկատերինան հետաքրքիր է նրանով, որ ինքը անկիրթ է, չի սովորում, անդաստիարակ է, բարի է ու անկեղծ: Հայկի կերպարը խորամանկ է»։
Ինչ վերաբերում է հարցին, թե ինչո՞ւ քաղաքական գործիչներին Վիտամինի տղաները չեն նմանակում, գուցե վախենու՞մ են, Գարիկը պատասխանեց, որ չեն վախենում. «Հումորն էլ է ժանրերի բաժանվում: Մեր հումարոյին ժանրը շատ ավելի կենցաղային բնույթի է, կա քաղաքական հումոր, կան պառոդիաներ, այդ տարրերից կա մեր հաղորդման մեջ, բայց ինքն, առհասարակ, կենցաղային ու մենթալիտետային հումորին մոտ է»:
Իսկ թե գուցե չեն նմանականում, քանի որ գտնում են, որ այդտեղ հումոր չկա, հակադարձեց. «Ո´չ թե հումորի բան չկա, այլ՝ մենք երևի իրենցից ծիծաղելի չկարողանանք անել, դրա համար չենք անում»,-կատակեց նա:
Studio One