Ավստրալիան առաջին օդային հարվածներն է հասցրել իսլամիստներին

09:43 • 09.10.14

Ավստրալիան իր առաջին օդային հարվածներն է հասցրել «Իսլամական պետություն» ծայրահեղական խմբավորմանը՝ Իրաքի տարածքում, հայտնում է BBC-ն: Դա տեղի է ունեցել ԱՄՆ-ի գլխավորած կոալիցիոն պայքարի շրջանակում:

 

Ավստրալիան դրան մասնակցում է 600 հոգանոց զորքով և վեց Super Hornet կործանիչով:

 

Հարձակման ժամանակ երկու ռումբ է գցվել Super Hornet կործանիչից: Օդանավը բարեհաջող վերադարձել է ռազմաբազա:

 

Անցած շաբաթ Ավստրալիան իր հարձակումը հետաձգել էր հնարավոր քաղաքացիական անձանց չվնասելու համար: