Չինուհին 9-ամյա որդուն շղթայել է հեծանիվից, որպեսզի վերջինս չփախչի (լուսանկարներ)
Չինացի մայրիկն իր 9-ամյա որդուն կապել է հեծանվին ամրացված շղթայից, որպեսզի նա չփախչի, թեև կինը ոստիկանությանը խոստացել էր ավելի բարի վարվել երեխայի հետ:
Ինչպես հայտնում է Daily Mail-ը` չինուհի Լի Թենգին կանչել էին Գունադուն նահանգի Չժուհայ քաղաքի ոստիկանական բաժանմունք` վերցնելու որդուն` Լի Շաոյին, ով փախել էր: Ոստիկանները երեխային գտել էին փողոցում և տարել բաժանմունք:
Երբ նրանք զանգել են երեխայի 39-ամյա միայնակ մորը, որ գա նրա ետևից, տղան ասել է, որ ավելի լավ է՝ մնա բաժանմունքում: Կինը համոզել է ոստիկաններին, որ այսուհետ ավելի մեղմ կլինի որդու հանդեպ, սակայն րոպեներ անց նրան տուն է տարել՝ հեծանիվին շղթայված վիճակում:
Կինը ոստիկաններին իր արարքը բացատրել է նրանով, որ միայնակ մայր է, դժվար է գումար վաստակում և փորձում է այնպես անել, որ խուսափի ավելորդ խնդիրներից:













