Բելառուսի խորհրդարանը վավերացրել է ԵՏՄ-ի վերաբերյալ պայմանագիրը

13:19 • 09.10.14

Բելառուսի խորհրդարանի ստորին պալատը վավերացրել է Եվրասիական տնտեսական միության ստեղծման մասին պայմանագիրը, հայտնում է «ՌԻԱ Նովոստի» գործակալությունը:

 

Սպասվում է, որ հենց այսօր փաստաթուղթը կքննարկվի Հանրապետության խորհրդում՝ վերին պալատում: Այնուհետ ստորագրման կուղարկվի նախագահին:

 

Այսօր ավելի վաղ հայտնի էր դարձել նույն փաստաթղթի՝ Ղազախստանի խորհրդարանի վավերացման մասին:

 

Մայիսին Բելառուսը, Ռուսաստանն ու Ղազախստանը ԵՏՄ-ի ստեղծման մասին փաստաթուղթ էին ստորագրել: ԵՏՄ-ն համարվում է միջազգային իրավասուբյեկտայնություն ունեցող տարածաշրջանային տնտեսական ինտեգրման միջազգային կազմակերպություն:

 

ՌԴ Պետդուման Եվրասիական տնտեսական միության մասին պայմանագիրը վավերացրել է սեպտեմբերի 26-ին: