Ուկրաինայի նախագահը ստորագրել է լյուստրացիայի մասին օրենքը

16:53 • 09.10.14

Ուկրաինայի նախագահ Պյոտր Պորոշենկոն ստորագրել է լյուստրացիայի մասին օրենքը, հայտնել է երկրի ղեկավարի մամուլի ծառայությունը, գրում է ria.ru-ն:

 

Պորոշենկոյի մամուլի ծառայության համաձայն՝ օրենքը որոշում է պետծառայողների և նրանց հավասարեցված անձանց, տեղական ինքնակառավարման մարմինների պաշտոնատար անձանց ստուգման անցկացման իրավական և կազմակերպչական հիմքերը՝ «իշխանության հանդեպ վստահության վերականգնման և եվրոպական չափանիշների համապատասխանությամբ իշխանության մարմինների նոր համակարգի կառուցման պայմանների ստեղծման նպատակով»:

 

Ուկրաինայի խորհրդարանը սեպտեմբերի 17-ին երկրորդ և վերջնական ընթերցմամբ ընդունել է լյուստրացիայի մասին օրենքը: Վարչապետ Արսենի Յացենյուկի խոսքով՝ այդ օրենքի գործողության տակ է ընկնում 1 միլիոն պաշտոնյա, պետծառայող, իրավապահ մարմինների աշխատակից, այդ թվում՝ «կառավարության ողջ կազմը»: