Իսլամիստները գրավել են սիրիական Քոբանիում քրդերի շտաբը

17:55 • 10.10.14

«Իսլամական պետություն» խմբավորման ծայրահեղականները հսկողության տակ են առել սիրիական Քոբանի քաղաքի հյուսիսում գտնվող քրդերի շտաբը, ուրբաթ հայտնել են Սիրիայում մարդու իրավունքների մոնիթորինգի խորհրդից, գրում է Interfax.ru-ն:

 

Reuters գործակալության հաղորդմամբ՝ Թուրքիայի սահմանի մոտ գտնվող Քոբանի քաղաքի տարածքի մոտ 40 տոկոսը գտնվում է ծայրահեղական «Իսլամական պետություն» խմբավորման հսկողության տակ: Գործակալության տվյալներով՝ գրոհայինները գրավել են այն շրջանները, որտեղ գտնվել է քաղաքի քուրդ վարչակազմը: Ծայրահեղականները հարձակում են իրականացնում քրդերի դիրքերի վրա արևելքից, արևմուտքից և հարավից:

 

Քոբանին ռազմավարական նշանակություն ունի խմբավորման համար, քանի որ դրա գրավումը թույլ կտա կապել Հալեպի և Ռաքքայի արվարձաններում իրենց դիրքերը, ինչպես նաև հսկողության տակ առնել թուրք-սիրիական սահմանի զգալի մասը: