Պուտինն ու Էրդողանը քննարկել են «Իսլամական պետության» սպառնալիքը

12:40 • 13.10.14

Ռուսաստանի նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում քննարկել են միջազգային խնդիրները, որոնք կարող են ծագել «Իսլամական պետություն» ահաբեկչական խմբավորման պատճառով:

 

Ինչպես տեղեկացնում է РИА Новости գործակալությունը, այդ մասին հաղորդել է Կրեմլի մամուլի ծառայությունը: 

 

«Միջազգային խնդիրներին առնչվող կարծիքների փոխանակման ընթացքում շեշտը դրվել է «Իսլամական պետություն» խմբավորումից եկող վտանգների վրա»,-ասված է հաղորդագրության մեջ:

 

Բացի այդ, նախագահները քննարկել են երկկողմ հարաբերությունների օրակարգին առնչվող հարցեր՝ Բարձրագույն մակարդակով համագործակցության խորհրդի 5-րդ նիստի նախապատրաստության կտրվածքով:

 

Զրուցակիցները կողմ են արտահատվել ռուս-թուրքական առևտրատնտեսական կապերի հետագա զարգացմանը, այդ թվում՝ գյուղատնտեսության և բարձր տեխնոլոգիաների ոլորտներում: