Պորոշենկոն վերացրել է փետրվարի 23-ին նշվող Հայրենիքի պաշտպանի օրը

12:33 • 14.10.14

Ուկրաինայի նախագահ Պյոտր Պորոշենկոն հոկտեմբերի 14-ն Ուկրաինայի պաշտպանի օր է հռչակել: Այդ մասին հրամանը հրապարակվել է պետության ղեկավարի կայքում, հաղորդում է ТАСС-ը:

 

Դրա հետ միաժամանակ ուժը կորցրած է ճանաչվել 1999 թվականին ընդունված փետրվարի 23-ին Հայրենիքի պաշտպանի օրը նշելու մասին հրամանը:

 

Ուկրաինայի անկախության 23-ամյակի առիթով օգոստոսի 24-ին կայացած շքերթում Պորոշենկոն հավելել էր, որ երկիրն այլևս չի նշելու փետրվարի 23-ը որպես Հայրենիքի պաշտպանի օր:

 

Նրա խոսքով՝ ռազմական պատմության մեջ շատ մարտեր և ամսաթվեր կան, որոնք արժանի են Պաշտպանի օր դառնալուն: «Ուկրաինան այլևս երբեք չի նշի այդ տոնը հարևան երկրի ռազմապատմական օրացույցներով: Մենք կհարգենք մեր հայրենիքի պաշտպաններին, այլ ոչ օտար»,- ասել է նա: