Ֆրանսիայում վարձույթից հանել են «Անաբելի անեծքը» ֆիլմը` հանդիսատեսի շրջանում փսիխոզ առաջացնելու համար (թրեյլեր)

Ֆրանսիական մի շարք կինոթատրոններ չեղարկել են «Անաբելի անեծքը» ամերիկյան սարսափ ֆիլմի դիտումը, երբ տեղեկություններ են ստացվել, որ կինոդիտման ժամանակ հանդիսատեսի շրջանում ագրեսիայի բռնկումներ են տեղի ունենում, գրում է lenta.ru-ն։

Կինոթատրոնների աշխատակիցների խոսքերով` որոշ մարդիկ սկսել են բռնություն ցուցաբերել, վիրավորանքներ տեղալ այլ մարդկանց հասցեին և ոչ պատշաճ վարք ցուցաբերել։

Կինոթատրոն եկած 14-ամյա դեռահասները սկսել են անկառավարելի պահվածք դրսևորել և վնասել են կինոթատրոնի գույքը, ասել է Մոնպելյեի կինոթատրոններից մեկի մենեջերը։

Անհանգստության տեղիք է տվել այն, որ նման միջադեպեր նկատվել են նաև այլ քաղաքների կինոթատրոններում։

Интересное TV-ն ներկայացրել է «Անաբելի անեծքը»ամերիկյան սարսափ ֆիլմի ռուսերեն թրեյլերը։