Աֆրիկյան քաղաքում Էբոլայից մահացածի դին 2 օր մնացել է փողոցի մեջտեղում

10:33 • 15.10.14

Սիերա Լեոնեի մայրաքաղաք Ֆրիթաունում իշխանությունների անգործության պատճառով բախումներ են տեղի ունեցել, գրում է korrespondent.ru-ն։

 

Ոստիկանության և բնակիչների միջև բախումներն Էբոլայից մահացած տղամարդու պատճառով է եղել, որի դին իշխանություները չեն հեռացրել քաղաքի փողոցից ուղիղ երկու օր։

 

Հիշեցնենք, որ Էբոլա վարակն օրգանիզմի որոշակի հեղուկների միջոցով կարող է փոխանցվել վարակված անձից առողջ անձին` անկախ նրանից` վարակակիրը մահացած է, թե ողջ։

 

Զայրացած մարդիկ սկսել են բարիկադներ կառուցել փողոցներում։ Բախումների հետևանքով տուժածների մասին տեղեկություններ չեն հաղորդվում։

 

Իրավապահներն արցունքաբեր գազ են կիրառել ցուցարարների նկատմամբ և օդ կրակել ամբոխը ցրելու նպատակով։

 

Աֆրիկյան երկրներում Էբոլա վիրուսից մահացած անձանց թիվը հասել է 4.447-ի։