2004-2011 թվականներին Իրաքում զինվորականները 5.000 միավոր քիմիական զենք են գտել. New York Times
2004-2011-ն ընկած ժամանակահատվածում ամերիկացի և իրաքցի զինվորականներն Իրաքում հայտնաբերել են ընդհանուր առմամբ 5 հազար միավոր քիմիական զենք, ասվում է New York Times թերթի հոդվածում, որը փոխանցում է vz.ru-ն։
Դրանց թվում են եղել թունավոր նյութերով լցված մարտագլխիկներ, արկեր և ավիացիոն ռումբեր։
Թերթի հոդվածը հիմնված է մի շարք պաշտոնյաների, նախկինում գաղտնի համարվող փաստաթղթերի վրա, որոնք ստացվել են լրագրողների կողմից տեղեկատվության ազատության օրենքի համաձայն։
Բացի այդ, նշվում է, որ զինվորականների առողջությանը, ովքեր գտել են քիմիական զինամթերքը, վնաս է հասցվել։ New York Times-ի լրագրողներին հաջողվել է գտնել 17 ամերիկացի զինվորականի և 7 իրաքցի ոստիկանի, որոնց առողջությանը վնաս է հասցվել քիմիական զենքերը գտնելու հետևանքով։
Հրատարակությունը նաև նշում է, որ տուժածների թվերն իրականում ավելին են, ուղղակի գաղտնի են պահվում։










