Դանակահարություն Երևանի Զաքյան փողոցում

17:07 • 15.10.14

Հիվանդանոցից հոկտեմբերի 14-ին, ժամը 20.10-ին ոստիկանության Կենտրոնականի բաժնում հաղորդում է ստացվել, որ «կրծքավանդակի ձախ կեսի կտրած-ծակած վերք» ախտորոշմամբ բուժօգնության է դիմել մի տղամարդ, որը վնասվածքի ստացման հանգամանքները չի հայտնել: 

Մեկնած օպերատիվ խումբը պարզել է, որ հիշյալ տղամարդը 1985 թ. ծնված Հրանտ Պ.-ն է: Ըստ բժշկի տրված տեղեկանքի՝ Հրանտ Պ.-ն ի վիճակի չէ հաղորդում տալու:

Հոկտեմբերի 15-ին, ժամը 02.00-ին, 1956 թ. ծնված Վարազդատ Պ.-ն հաղորդում է տվել, որ հոկտեմբերի 14-ին, ժամը 20.00-ին, Զաքյան փողոցի թիվ 8 շենքի բակում, վիճաբանության ժամանակ, որդուն` Հրանտ Պ.-ին, դանակով հարվածել և վնասվածքը պատճառել է հորեղբոր որդին` 1965 թ. ծնված Ռուբեն Պ.-ն:  

Այս մասին հայտնում են ՀՀ ոստիկանությունից և տեղեկացնում, որ կատարվում է հետաքննություն: