Սուխումի հայ համայնքի ղեկավարն Աբխազիայի փոխվարչապետ է նշանակվել
Աբխազիայում հաստատվել է գործադիր մարմնի նոր կառուցվածքը։ Համապատասխան հրամանագիր է ստորագրել նախագահ Ռաուլ Հաջիմբան:
Նոր կառավարությունում այսուհետ կլինի 3 փոխվարչապետ, հայտնում է ՏԱՍՍ գործակալությունը։
Սուխումի հայ համայնքի ղեկավար Սուրեն Կերսելյանը նշանակվել է 2-րդ փոխվարչապետ, ով կգլխավորի նաև աշխատանքի և սոցիալական ապահովության նախարարությունը։
Առաջին փոխվարչապետի պաշտոնը կզբաղեցնի Շամիլ Աձինբան, իսկ 3-րդ փոխվարչապետի պաշտոնում կնշանակվի Վիկտոր Խիլչևսկին, ով միաժամանակ կլինի էներգետիկայի, տրանսպորտի և կապի նախարարը։










