Ստամբուլի հիվանդանոցում կարանտին է հայտարարվել՝ էբոլա վիրուսի կասկածանքով
Ստամբուլի Սաբիհա Գյոքչենի անվան օդանավակայանում երեկ երեկոյան վայրէջք կատարած ինքնաթիռի ուղևորներից մեկին Էբոլա վիրուսի կասկածանքով տեղափոխել են Ստամբուլի Մարմարայի համալսարանի ուսումնահետազոտական հիվանդանոց:
Հիվանդանոցի շտապօգնության կենտրոնում կարանտին է հայտարարվել:
Համաձայն ստացված տեղեկատվության՝ Թուրքիայի օդային տարածքով անցնող ինքնաթիռում գտնված Կոտ դ'Իվուարցի մի կնոջ ջերմությունը բարձրացել է և սրտխառնոց է սկսվել, ինչի պատճառով էլ ինքնաթիռը վայրէջք է կատարել Ստամբուլի օդանավակայանում:
Հիվանդանոցի շտապօգնության բաժանմունքն անմիջապես դատարկվել է, և այնտեղ կարանտին է հայտարարվել:










