Իտալիան «համացանցի Սահմանադրության» նախագիծ է պատրաստում

00:43 • 16.10.14

Իտալիայի խորհրդարանի Ստորին պալատի նախագահ Լաուրա Բոլդրինի կողմից կազմված հատուկ հանձնաժողովը «Համացանցի Սահմանադրության» նախագիծ է մշակել: Այս մասին հաղորդում է euromag.ru-ն՝ հղում կատարելով ИТАР- ТАСС-ին:


Ինչպես հաղորդում են տեղական ԶԼՄ-ները՝ հոկտեմբերի 27-ից «Համացանցի Սահմանադրության» նախագիծը կտեղադրվի խորհրդարանի կայք էջում՝ հանրային քննարկման նպատակով:


Նախագիծն իրենից 14 կանոնակարգ է ներկայացնում, որոնք նախատեսված են մի կողմից՝ երաշխավորելու անհատական ազատության սկզբունքները, իսկ մյուս կողմից՝  պահպանելու բոլոր հիմնարար իրավունքները:


Նախագծում ներառված են նաև համացանց մուտք գործելու հավասար իրավունքների, անձնական տվյալների պաշտպանության և մի շարք այլ կետեր: