Բժիշկները զբոսաշրջիկի մաշկի տակ սարդ են հայտնաբերել, որը ներս էր սողոսկել կույր աղիքի վիրահատությունից մնացած սպիով
Ճամփորդությունը դեպի Բալի Դիլան Թոմասին վերածել է իրական «Սարդ մարդու»: Ինչպես գրում է Daily Mail-ը` 21-ամյա երիտասարդը անցյալ շաբաթ հանգստանալիս է եղել ընկերների հետ, երբ մի առավոտ ապշահար է եղել` նկատելով ստամոքսից դուրս եկող կարմիր պոչը:
Երբ տղամարդը մեկ օր հետո դիմել է Բալիի Միջազգային բժշկական կենտրոն, բժիշկները նրա մաշկի տակ արևադարձային սարդ են հայտնաբերել: Նրանք հեռացրել են սարդին երիտասարդի փորից, որտեղ միջատը սողոսկել էր կույր աղիքի վիրահատությունից մնացած սպիի արանքով:












