Կինը ոստիկանություն է զանգահարել` խնդրելով բռնել իր պարտեզում հայտնված կոկորդիլոսին, սակայն նրանք խաղալիք են գտել (լուսանկար)
Անգլուհին «բացարձակ ճնշված» է զգացել, երբ ոստիկանություն ու վայրի բնության փորձագետներին է զանգել, որպեսզի վերջիններս գան իր տանը հայտնված կոկորդիլոսի ետևից, որը իրականում փչովի խաղալիք էր:
Ինչպես հայտնում է Daily Mail-ը` Պլիմուտում բնակվող կինը սարսափել է 90 սմ-անոց կանաչ «երկկենցաղին» իր խոհանոցի պատուհանին տեսնելով: Նա երկու հարևանի է օգնության կանչել, սակայն նրանք ասել են, որ կենդանին վտանգավոր է առանց զենքի մոտենալու համար, որից հետո կինը ոստիկաններին է դիմել:
Դևոնի և Քորնուելի ոստիկանները և կենդանիերի փորձագետները, արձագանքելով կանչին, ժամանել են դեպքի վայր: Հեռվից ջուր լցնելով կենդանու վրա և տեսնելով, որ նա չի շարժվում, մոտեցել են, որից հետո էլ պարզվել է, որ այնտեղ պարզապես խաղալիք է եղել:












